Celaya, Mexico: September 18, 2020. Thursday din central Mexico te bantok para hamla kora te pas(5) jun manuh morishe. Larai kora te, suspect ek jun ke moria thishe aro tin(3) jun ke thurishe, koikena authorities para janai thishe. Guanajuato state laga city of Celaya te hamla kora manuh khan para ghor ekta te gooli marishe, etu samay 19 umer ek jun etu same chaka te moria thishe. Police para suspects khan ke thikina bantok para mara-mari kora samay hamla kora ek jun ke mari thishe, koikena local government para statement te koishe. Guanajuato te dushman cartels Jalisco New Generation aro Santa Rosa de Lima, majot te larai hoi thaki koishe. July moina te, center city of Irapuato te tawai kaa manuh khan ke rakikena thaka ghor te hamla korikena 27 manuh ke morai thishe. Jaa moina, Santa Rosa de Lima leader Jose Antonio Yepez, tai ke “El Marro” be koi, thurishe koikena government para junai thishe. Mexico te mara-mari aro larai besi hoi thaki, keli koile 2016 saal te government para sepai anikena drug cartel khan ke larai koriase. Mexico te 293,000 manuh ke moraikena ase, officials khobor hesab te koishe, hoilebi keman ta organized crime logot case linked ase etu toh janai deya nai.
Mexico te Gunmen para 5 jun ke moraishe
Add Comment