Mexico City: August 1 2020. Mexico tuh Duniyaa te COVID-19 bemari para manh mora te third besi wala hoishe, etu ake te United States aro Brazil ase koishe. Friday din te, Mexican health officials para koishe ke, 24 gonda pithor te 688 manuh morishe, aro etu sob melaikena desh te manuh morikena thaka tuh 46,688 hoikena ase. Etu nemite Mexico tuh olop para United Kingdom laga ake te ase. United Kingdom te 46,119, manuh morikena ase koikena Johns Hopkins University laga tally hesab para koishe. Mexico laga population tuh Britain logot double ase. Health Officials khan para aro koishe ke, Mexico te bemari soruh hoikena coronavirus bemari cases tuh 424,000 oper hoikena ase koishe. Friday din te aro opposition parties laga nouta(9) State Governors khan para federal government ke botnam thikena “confusing messages” koishe, tai khan para coronavirus bemari samay kam kura oper te koishe.
Add Comment