New Delhi: Home Ministry Wednesday din te media khan para khobor diya toh Assam toh protected area category te ase kuwa toh misa ase koikena janaishe.Etu bi state te National Register of Citizens (NRC) nimete chamela ola toh aro foreign journalist kohan ke state para jabole kuwa toh misa ase koishe.
Ministry koishe ekta bi Protected Area Permit (PAP) or Restricted Area Permit (RAP) diyanai assam te aro koishe kun journalist hoilebi ahibole pareh Ministry of External Affairs (MEA) para permission loikena .
Etu report te koishe sob foreign journalist khan assam te kaam kura toh state toh charikena jabole koishe .Hoilebi ministry khan etu report toh misa ase koishe aro etu khobor toh galti ase aro thik nai.
Spokesperson koishe ki “Etu article te khobor diya toh misa ase .MHA nohoilebi MEA para etu khobor dianai.Etu khobor khan ola laga responsibility aro etu para ki hobo etu pura toh media house khan uporte hi ase .”
NRC final list august 31 te ola te komti hoilebi 3 crore manu khan eligible thakishe etu list te thakibole karne aro 19 lakh manu khan hatijaishe.
NRC toh ekta register ase Indian citizens khan laga naam thakikena .Etu toh 1951 te bonaishe.Etu toh assam nimete update kuri thakishe etu illegal immigrants khan ke hatabole
Add Comment