New Delhi, 25 April : The biopic Michael, Michael Jackson laga real life te based, theatres worldwide te release hoise aru negative reviews thaka piche bhi box office te strong performance dikhai ase.
India te, film tu ekdom bhal response pai ase, aru currently No.1 position te ase. Film te Jaafar Jackson (Michael laga nephew) lead role te ase. Paid previews te ₹2.40 crore gross korise, aru Day 1 te ₹4+ crore gross korise. Total opening ₹5.50 crore net (₹6.60 crore gross) hoise—juntu India te musical biopic karone best opening hoise, Elvis aru Bohemian Rhapsody ke bhi cross kori dise.
Competition te, Ginny Weds Sunny 2 matro ₹30 lakh korise, Bhooth Bangla₹5.15 crore aru Dhurandhar: The Revenge₹1.60 crore korise—etu dikhai ase ki Michael market te dominate kori ase.
International level te bhi film strong ase—paid previews logot already $30 million overseas korise, juntu musical biopic category te record-breaking start hoise.
Film tu Antoine Fuqua direct korisey aru John Logan likhise. Cast te Nia Long, Laura Harrier, Miles Teller aru Colman Domingo ase.
Story te Michael Jackson laga journey—Gary, Indiana pora global superstar hua, Jackson 5 logot early days, aru albums jaise Off The Wall aru Thriller—sob dikhai dise.
Add Comment