Michael Jackson laga bhai Tito Jackson tu heart attack hoikina murisey

New Delhi, September 16 : Tito Jackson, kun the Jackson 5 koikina ekta mashoor pop group bana kokai-bhai majotey ekjun thakisey tai tu 70 years laga umar te murijaisey. Tito tu Jackson parivar laga 9jun baccha majotey third wala thakisey, kuntu majotey duniyabhor te mashoor thaka superstar Michael aro tailaga bhuini Janet bi asey. Aro tai tu ekta musical(gana nimitey mashoor thaka) parivar laga hisa thakisey kun laga gana tu ajitak bi mashoor asey. Sunday shaam fale ekta instagram post te Tito Jackson laga chokra khan para enaka likhisey, “Mon bhari hoikina, amikhan para announce kuri asey ki amikhan laga morom thaka baba, Rock and Roll Hall of Famer Tito Jackson tu amikhan logotey nathaka hoisey. Amikhan tu asurit, monduk aro mon bhangikina asey. “Amikhan laga baba tu ekta bisi dangor manu thakisey kun sob manu aro taikhan laga bhalayi laga bari te bhabna kuri thakisey.” Tito Jackson laga bhai-kokai Jermaine, Randy, Marlon aro Jackie tailaga bhuini Janet, Rebbie aro Latoya aro tailaga ama Katherine asey. Taikhan laga baba tu 2018 te murijaisey. Tito kun laga asol naam Toriano Adaryll thakisey tai laga jonom tu October 15, 1953 te hoisiley