Germany, 30 December : December 29 toh 10th anniversary thakishey F1 great Michael Schumacher laga skiing accident hua French Alp dey. Itu accident hua piche dey para luina, Michael Schumacher para eku public appearance kurianai aro tai laga health upar dey sawaal uthi asey. Itu ghatna piche dey, Michael Schumacher toh ekta medically induced coma dey rakhishey June 2014 tak. Tai bishi surgeries luishey. Itu champion racing driver toh Grenoble dey thakia hospital agey treatment karney charishey Lausanne University Hospital dey, treatment aro rehabilitation karney shift nakuria agey dey September 2014 dey.
Itu German driver toh former F1 champion Sebastian Vettel logot bishi close thakishey, kun bhi itu eki desh para asey aro Ferrari, Red Bull nishna team khan karney gaari chulaishey. Vettel para olob agey dey taikhan laga relationship upar dey kuishey.
“Itu toh itia tak bishi , bishi dukh asey, mui kuwo mun nai accept kuribi, huilewi tai ladai kuri asey kuina maaniwi aro tai bhaal nai. Hoi mui taike sobse bhaal hi wish kurey. Itu toh itia tak ekta topic asey aro mui kitiaba itu laga phabna kuri thakey shaanti para aro kitiaba bishi,” kuishey RTL.
Vettel para bhi janai dishey tai kinika Schumacher laga skiing accident laga khobor upar dey react kurishey, December 2013 dey.
“Mui laga agey phabna toh muijun laga jaa par khota kua laga thakishey,” yaad kurishey Vettel. “Mui taike kuishey ki mui ekta paap huwoley asey aro muikhan karney ki ahi thakishey. Mui khali mui laga saathi ke yaad kurey. Tai recent saal khan dey bishi important huwo thakishey. Mui bishi sawal thakibo thakishey aro tai bishi jawaan nahuiley inspiration diwo pariboley thakishey.”
Schumacher toh seven F1 world titles jitishey, five ekta trot dey milaina Ferrari dey. Tai F1 racing dey 2010 dey wapis ahishey three karney Mercedes team logot. Taike Lewis Hamilton logot podli kuri dishey 2013 dey. 2021 dey, Hamilton para Schumacher laga record logot match kurishey seven world titles laga.
Add Comment