Micronesian island de ekta plan kerise

Wellington, 28 September: Local media pora Friday din ekta passenger plane Micronesian island de kerise koise. Airport official Jimmy Emilio pora kowah de Pacific Daily News pora Air Niugini plane toh Weno airport de land hobole thaga ase koise. Emilio pora sob 36 passengers aro 11 crew toh bachi kena ase aro tai khan kun be serious jokhom napai kena ase koise. Hoilebe tai khan ke sabo karni hospital de loijai kena ase koise. Tai (Emilio) pora etu hatsa toh ke karni ase jani-powah nai koise.Tai pora news website de kowah toh, kunbah manu etu hatsa howah de sabo lagi aro ami khan logode be janaide. Etya tak plan toh ke howah pora namise ami khan jani-powah nai, koise. Australia’s ABC pora hatsa howah jaga de Papua New Guinea’s Accident Investigation Commission pora team pothabole daiyar kori ase koise.