New Delhi, March 07: Singer Mika Singh para recently Samay Raina aro podcaster Ranveer Allahbadia shamil thaka India’s Got Latent laga jhamila laga bari te tailaga bhabna janaisiley. Ekta recent interview te, Mika Singh para taikhan(Samay aro Ranveer) kotey golti kurisey etu laga bari te discuss kurisey aro taikhan duijun kinaka success manage kuribo paranai etu koisey.
Etu interview te Mika Singh para enaka koisey, “Samay Raina logotey amilaga eku personal problem nai; tai bisi sweet chokra asey. Bisi manu para amikey koisey ki tai(Samay) tu amilaga dangor fan asey aro bisi bhal musician bi asey. Ranveer bi bisi bhal asey. Tai tu ekta humble aro thanda manu asey, hoilebi tailaga sobsey dangor golti tu etu thakisey ki tai etu show te najabo lagisey. Taikhan(Samay aro Ranveer) laga show tu ek-dusra para ekdam alag asey. Ranveer laga show tu bisi decent aro respectful asey. Samay laga show te alag audience asey. Ranveer tu Samay laga show te najaisey koiley, etu jhamila olabole thakanai.”
Tai para etu bi koisey ki Samay aro Ranveer duijun tu ki kotha koi etu dhyan rakhibo lagey. Kilemaney taikhan para India laga youth ke influence kuriasey kun taikhan ke aro taikhan laga kaam ke follow korey.
Mika para enaka koisey, “Samay laga show te aro bisi letra kotha koikina asey. Aro judi apni India nisna desh te enaka hunibole biya thaka kotha koisey koiley, etu toh mon bikhaidibo. Enaka show te Samay success hoisey koikina bisi manu bi tai nisna hobole mon asey, hoilebi etu toh galat asey. Taikhan duijun toh bhal example set kuribo lagey. Jitya apni logotey enaka dangor power thakey apni para youth ke control kuribo lagey.
Etu ekey interview te, Mika Singh para manu khan ke taikhan duijun ke, taikhan success manage kuribole paranai koikina maaf kuridibole request kurisey. Aro koisey ki taikhan laga family ke etu te involve kuribo nalagey.
Add Comment