Mike Pompeo aro Sri Lankan President lok paishe

Colombo: October 28, 2020. US Secretary of State Mike Pompeo para Sri Lankan President Gotabaya Rajapaksa ke matikena issues besi laga kotha korishe, etu oper te economic partnership, transparent trade aro investment, COVID-19 aro democratic freedoms share koriboli koishe. Top US diplomat khan Tuesday din India para Sri Lanka pongishe. China othi thaka nemite balanced thakiboli aro Indo-Pacific toh ekta common goals hoikena kola-koli nemite America para sai ase koishe. President laga Media Division para koishe ke, Secretary Pompeo aro President Rajapaksa kotha koriboli lok paishe. Ekta kotha te, Colombo te US Embassy koishe, Mike Pompeo para President logot economic partnership thkiboli, bemari nemite economic recovery aro democratic freedoms shared koribo nemite lok paishe. Etu beche, Mr Pompeo para Sri Lankan laga counterpart Dinesh Gunawardena logot tuita desh pithor laga kotha be koishe, koikena Colombo te media para janai thishe. Kotha kora samai, Mike Pompeo para chaka besi jaikena sabo, khobor para koishe. US President Donald Trump thaka samai, US dignitary para  Sri Lanka te aha toh sobse tangor visit ase. Mr Pompeo aro US Defence Secretary Mark T Esper toh India te thakishe aro tai khan laga counterparts logot New Delhi te US-India 2+2 kotha korishe. US Secretary of State toh Sri Lanka te aha toh Sri Lankan counterpart Dinesh Gunawardena para mata nemite ase koishe. Tai para aro Sri Lankan Prime Minister Mahinda Rajapaksa logot be lok paboli ase koishe. Mike Pompeo para north Colombo te St Anthony’s Church be saboli ase, etu Church toh jaa saal Easter Sunday hamla korishe. Etu moina olop din agae te India, US, Japan aro Australia para free aro open Indo-Pacific melikena thakibo nemite fesla korikena ase.