Mike Pompeo para Sri Lanka aro Maldives visit koribo

Colombo/Male: October 20, 2020. U.S. laga Secretary of State Mike Pompeo para etu moina pithor te Sri Lanka aro Maldives te visit koribo ase koikena Tuesday din te tui jun Indian Ocean nations officials khan para junai thishe. China para besi tiktar kora nemite Washington para kelaaf koribo nemite. Pompeo para tuita(2) kisam te October 28 darik para Colombo te kotha koribo, koikena Sri Lanka’s foreign ministry para koishe, hoileni dosura khobor toh eku janai deya nai. Tui jun manuh etu trip te Pompeo logot jabo aro tai khan Maldives laga capital Male te etu eke din te olop gonda nemite thakibo. “foreign officials khan visit koriboli thaka laga darik aro din fesla lowa beche te junai thibo, koikena Maldives foreign ministry para statement te koishe. China laga top diplomat Yang Jiechi, para etu moina Colombo te visit korishe. Olop saal agae te Beijing para Sri Lanka aro Maldives logot poisa aro saman para besi motob korikena ase, etu nemite India logot alarm kori ase koishe. Jaa hafta, Indian government laga source para koishe ke, Pompeo toh etu moina pithor te New Delhi te visit thiboli ase aro tai logot Defense Secretary Mark Esper be thakina Foreign Minister Subrahmanyam Jaishankar aro Defence Minister Rajnath Singh logot kotha koriboli ase koishe.