Rome, 17 July : Milan-Cortina 2026 Winter Olympic aru Paralympic Games laga medal design duita half te banaikhan Palazzo Balbi, Venice te unveil kurise. Itu unique design duita half ke milaikene ekta banai dise, juntu sirf Milan aru Cortina laga ekta hoar nishani nohoi, kintu jit laga spirit aru etu jit paabo nimite lagaa hard work ke bhi dekhaise, organisers khan janai dise.
Duita half Olympic aru Paralympic laga value dwara ekta banise. Duita dimension athlet aru para-athlet laga journey laga culmination ke reflect kore, aru olop bhi bhabi dibo nai jeneke etu journey te thaka manu khan laga support ke bhi represent kore.
Panie hisab te, medal laga samne Olympic rings aru Paralympic Agitos thakibo. Pichone side te Milan-Cortina 2026 Olympic aru Paralympic Winter Games laga emblem thakibo.
Itu medal khan Istituto Poligrafico e Zecca dello Stato (IPZS) dwara bonai ase, juntu eco-friendly, non-toxic aru recycle kora para bonai kene protective finish diya ase. IPZS use kora energy pura renewable resource para paise.
Milan-Cortina 2026 Olympic Winter Games February 6 para 22 tak hobo, aru etu pichhe te Paralympic Winter Games March 6 para 15 tak hobo.
Add Comment