August 12, 2023 : Itu Milit Mela kuntu toh hoiley itu Nagaland State Rural Livelihood Mission (DISTRICT MISSION MANAGEMENT UNIT) para organised kurishey, itu toh hoiley, Government Middle School tey para loishey, koi asey, Kiphire laga PHED Ward tey.
Itu event toh hoiley Kiphire laga Deputy Commissioner – John Tsulise Sangtam para chiefguest thakishey tatey, kun para itu millet laga importance toh samjhaishey, especially itu 2023 laga context tey itu international saal asey koi kena Millet laga, itu United Nations khan para. Tai para point out kurishey itu laga historical importance laga ekta staple food source asey koi kena aru itu laga nutritional value laga koishey. Deputy Commissioner – Sangtam para renewed effort nimitey matishey itu millet- laga cultivation aru chula laga promotion nimitey.
Kiphire laga NSRLM laga RJT Tethsomong para itu millet laga ki benefit asey itu aru-ekbar janaishey sob ke, itu khailey ki bhal asey koi kena itu laga nutrient-rich nature milaikena aru potential health benefits bhi thaka laga koishey. Tai para itu community khan embrace kuriboley urge kurishey large-scale millet laga production kuria tey aru itu toh market tey kena asey itu janai kena.
Add Comment