Tripura, May 14: Banned NLFT laga member ekta murder case deh life imprisonment serve kuri thaka time deh Tripura laga Sepahijala district central jail para churi jaishey , ekta official para Tuesday deh koishey.
Sepahijala District Magistrate Nagesh Kumar para koishey ki,”Swarna Kumar Tripura laga outlawed outfit toh central jail para gayab hoishey koina aji morning jani paishey, inmates kan laga roll call authorities kan para loi thaka time deh.”
Tai ba koishey ki, “ Militant toh life imprisonment karney sentenced hoishey, tai South Tripura laga Santirbazar area laga ekta murder case deh guilty hoina pa peche deh taike central jail deh loi jaishey. Sob police stations kan alert hoishey etu incident jana peche deh. Ekta dangor search operation underwat deh ase convict ke arrest kuriwo karney.”
Militant toh duibar central jail para polabo parishey koishey, ekbar toh 2016 deh aro ekbar toh Kanchanpur sub-jail, 2022 deh.
Sepahijala Superintendent of Police Bogati J. Reddy para central jail visit kurishey situation toh saboley incident peche deh.
CCTV footage bi check kurina koishey ki, prisoner toh kina high-security jail para bahar olaishey etu janibo karney.ekta inquiry chalu ase.
Senior police officer para koishey ki convict toh jail para Tuesday deh poalishey hubo.
Add Comment