Military Parade time deh hamla kora manu ke moraidese: Iran

London, 17 October: Tuesday din Iran’s Revolutionary Guards pora janaideya toh, jowah moina Iranian city Ahvaz  jaga deh military parade loi-thaga time deh hamla kori kena 25 jun moraideya “mastermind” ke moraidese koise.  State media deh Guards pora kowah toh, tai khan laga force pora Abu Zaha aro tusara militants logode moraidese koise. Iran’s state television pora ekta news website jolai thaga deh janaideya toh, Abu Zaha toh ISIS laga member thaga ase. Military parade time deh kondu group pora hamla korise janinapai kena thakise. October1 deh Iran pora kowah toh, eastern Syria deh missile pora hamla kori kena besi ISIS leaders khan moraidese aro tai khan laga hatyar khan be beya koridese. Ali Khamenei pora kowah toh, parade time deh Sunni Saudi Arabia aro United Arab Emirates pora hamla kora ase aro tai khan logode Iran pora saja debole ase. Saudi Arabia aro UAE pora etu hamla toh kora nai koi kena janaideya thakise.