New Delhi, 27 June : Hollywood actor Millie Bobby Brown etiya tai laga ahibole thaka film Enola Holmes 3 promote koribole busy ase. Tai franchise laga third instalment te phir iconic young detective Enola Holmes role te ghuri ahibo. Film te action, romance, drama aru comedy sob te kam kora karone, Millie para bhabi ase ki tai ekta Hindi film karone bhi perfect fit hobo pare. Recent ekta interaction te, tai Bollywood film te act koribo para possibility uporte kotha patise.
Franchise laga first film Enola Holmes 2020 te release hoisey. Film te Millie Bobby Brown main character Enola Holmes role te ase, juntu famous Victorian-era detective Sherlock Holmes laga younger bon ase. Henry Cavill te Sherlock Holmes role korisey. Film tu Harry Bradbeer direct korisey aru Jack Thorne screenplay likhise, juntu Nancy Springer laga The Enola Holmes Mysteries series laga first novel pora adapt korise.
Film laga second instalment 2022 te release hoisey, aru etiya franchise laga third part July 1 din Netflix te premiere hobo.
Millie Bobby Brown bacha somoi pora acting shuru korisey aru Netflix laga popular sci-fi series Stranger Things te Eleven role kori worldwide fame paisey. Tai laga performance khub praise paisey aru etu pora tai duniya laga sob pora jana young stars majote ekta bani jai ase.
Stranger Things pichete, tai Godzilla: King of the Monsters aru Godzilla vs. Kong te bhi act korisey. Itu pichete tai Enola Holmes te lead role loi ase. Eki logot franchise laga producer hisab teo kam korisey, juntu tai laga career te ekta dangor milestone bani jai ase.
