Kohima, 04 December: Christianity manikena 75 sal howah ke samaan korikena stone pulling event toh 4th December 2019, Mima bosti deh loise. Etu toh jai thaga Hornbill festival laga part hisaab deh ase. Stone pulling para forgiveness, friendship, peace aro reconciliation represent kora. Etu toh pioneers laga faith ke jaat korikena lowah laga ase aro etu para tai khan laga sacrifices toh mesha-meshi howah nai dekhideya laga ase.
Mima Village Council para Stone Pulling event lowah ke 600 opor stone puller khan hisha loise. Etu ev ent deh osor bosti laga manu aro Angami community laga frontal organisations khan hisha thakise. Stone toh first Kigwema bosti opor laga Mima gate para pull korise aro 1 km nesana lamba Mima Village Ground deh kothom hoise. Khobor hisaab deh pathor toh 21 feet length, 10 tons para be besi bhari, 2.5 feet height aro 4 feet width thakise.
Programme deh Union Minister for Tourism, Dr. P.S Patel, Chief Minister of Nagaland, Neiphiu Rio, Ministers, Advisors aro dignitaries thakise.
Southern Angami Culture Society toh ceremony laga special appearance thakise. Vote of thanks toh Pastor, BRC, Rev. Vikiezo Lese para koise.
Add Comment