Liverpool, 13 September : Liverpool te World Championships te, Minakshi Hooda laga dangor performance continue kori kene, 48kg semifinals te Mongolia laga Lutsaikhany Altantsetseg ke harai kene final te ghusia tini number India laga mahila boxer hoise. Itu jit India laga 4th medal confirm kori dise.
Minakshi, kun ekta former Asian Championships aru World Cup silver medallist ase, taike 2023 World Championships laga silver medallist upor te ekdom majbut 5-0 jit register kori loise.
Itiya itu jeet logot, Minakshi Commonwealth Games bronze medallist Jaismine Lamboria (57kg) aru heavyweight boxer Nupur Sheoran (80+kg) logot join kori loise, duijon bhi dangor jeet loi kene final te ghusi jaise. Pooja Rani (80kg) bhi aji late semifinals te action te thakibo.
Add Comment