November 22, 2024, 05:35 PM : Health & Family Welfare laga Minsiter – Paiwang Konyak para Tuensang laga District Hospital tey visit kurishey, 21st November, 2024 tey.
Itu District Hospital laga Officer khan aru staff khan ke thanks janai kena, tai khan laga warm welcome nimitey, itu Minister para state kurishey ki, tai laga visit toh hoiley ekta official nahoi, hoilebi ekta exercise asey, itu shortcoming khan ke saboley karney, itu department laga aru itu infrastructure aru development kaam laga issue opor tey, itu district tey. Tai para itu jama kuria manu khan ke inform kurishey ki, tatey toh hoiley bishi napuncha khan asey, Medical Doctor khan laga, itu state tey especially itu specialist Doctor khan aru itu Government khan toh hoiley tai khan laga best kaam kuri asey, itu gap toh fill kuriboley. Paiwang para itu bhi inform kuri asey, ki, tai laga visit laga asol aim toh hoiley itu Food Safety aru Drugs Control oversee kuriboley karney asey, itu district tey.
Itu Minister ke toh hoiley Commissioner & Secretary, Additional Director, Principal Director aru itu Health aru Family Welfare laga Senior Doctor khan para accompany kurishey. Dr. Imlitemsu Ozukum CMO Tuensang para ekta khata powerpoint presentation dishey, itu department laga activity khan laga, itu District tey.
Add Comment