Minister K.G. Kenye para technocrat khan ke urge kurishey potential tap kuriboley karney

September 06, 2024: Itu Nagaland State Engineering Association khan laga Federation laga General Biennial Conference toh hoiley loishey, Hotel Japfü, Kohima tey para, Power & Parliamentary Affairs laga Minister – K. G. Kenye logotey, 6th September 2024 tey. K.G. Kenye para toh hoiley engineer khan aru technocrat khan ke mati asey, tai khan laga untap kuri kena thaka potential toh harness kuriboley karney, itu state laga development ke drive kuriboley karney, limited financial resources khan thakilebi. Itu event tey kotha kuri kena, itu minister para tai laga gratitude express kurishey, itu state laga builder khan ke, tai khan effort khan recognize kuri kena, infrastructure develop kuriboley aru tai khan ke urge kuri kena, tai khan laga kaam toh kuri thakiboley ki ki laga challenge khan thakilebi. Federation of Nagaland State Engineers’ Association (FONSESA) laga President – Er. Hutoi Sema para organization laga itya chuli thaka mission toh emphasize kurishey, itu engineer khan laga need khan champion kuriboley karney, Nagaland tey, tai khan laga critical challenge khan face kuria laga acknowledge kuri kena, tai laga address kuria laga homoi tey, ekta ajikali hoa laga gathering tey. Sema para acknowledge kurishey ki, itu raasta laga innovation toh hoiley challenge khan para bhorta asey. Nagaland tey thaka engineer khan toh bishi bhak eneka nishina challenges khan face kuri thakey, komti resources khan thaka laga aru latest technology khan napai kena thaki kena.