Dimapur, 18 December: Khezha/ Kuzha Tephe Public Organization (KKTPO) para December 16 direk Pfutsero town deh general meeting loise. Meeting deh Minister for Planning & Coordination, Land Revenue and Parliamentary Affairs, Neiba Kronu toh guest speaker nemide thakise. Kronu para KKTPO team ke area toh phal para lead kora nemide congratulate korise aro tai khan para community nemide kaam laga fesla lowah nemide be kushi powah janaishe. Public leaders ke kotha kora time deh tai para community leader khan community deh shanty aro phal nemide thek bhabona korikena fesla lobole koise kelay koile etu toh progress aro development nemide kaam laga howah karni.
Chakhesang Public Organization (CPO) para Phek District pithor laga Zanubu aro Kepamodzu forests bachabole resolution lowah opor deh yaat koraikena tai para Kepamodzu range pithor laga deh thaga Kepamodzu forest laga bio-dicersity conservation toh bachabo koise. Tai para forest resources laga conservation nemide tai khan jinda thaga toh ektum lakae koise.
Kronu para tai ke third par nemide manu khan para juna ke thanks janikena koise, Government deh stability laga importance toh hoile constituency deh developmental activities anibole laga ase.
Tai para State deh model constituency hisaab deh Pfutsero constituency laga development nemide commit kora opor deh janaishe aro etu toh sob manu ekta hoilehe kamiyaab hobo koise.
Timikha Koza, President of Tenyimia People’s Organization , Mikha Kenye, President of Chakhesang Public Organization aro Neilo Khape, President of Kuzhalhu Zawe para short speeches deshe.
Programme deh Welete Kapfo, convener, KKTPO nomination committee para notun office bearers laga team present korise. Tati Neikhwetso Mero toh president nemide ase.
Add Comment