Kohima, 29 May 2025: Nagaland Chief Minister, Dr. Neiphiu Rio, 29 May 2025 te Angami Gazetted Officers Krotho (AGOK) Badze Multi-Utility Centre Meriema, Kohima te officially inaugurate korishe.
Program te kotha kuri thaka time te, Dr. Rio koishe ki etu Centre ekta bhal jagah te bonai ase aru land donors aru Union laga shuru kuri thaka manu khan ke baal pa janai diishe. Tai koishe ki etu Centre sirf Angami khan nimite nohoi, sob Naga aru alak manu khan nimite bhi ekta ashirbad hobole lage. Tai manu khan ke remind korishe ki “privilege” logot responsibility bhi ase, aru AGOK ke society nimite ekta guide hobole encourage korishe.
Chief Minister merit aru hard work laga importance upor te diishe. Tai NPSC aru NSSB laga role te kotha koishe aru AGOK ke encourage korishe ki young aspirants khan ke help aru skill develop koribole support dibi. Tai koishe politics upor te na thaki economic development upor te dhyan dibole lage, aru warning diishe ki income upor te beshi khorcha nokoribi.
Tai sports bhi full-time career bonai jabole paribo koishe aru mindset change koribole lage koi diishe. Investment Summit Delhi te attend kuri thaka experience share kurishe, Dr. Rio koishe ki dangor companies khan Nagaland te invest koribole ready ase, hoilebe land ownership aru political issue sob thik koribole lagibo.
Dr. Rio village councils ke warning diishe ki jodi indigenous certificate ulta manu ke diile, criminal case hobo pare. Tai AGOK members khan ke nimite koishe ki honesty aru broad-minded vision maintain koribole lage.
AGOK Centre para revenue uthai youth khan ke soft loan aru skill training dibo. Centre te dangor hall, banquet facility, aru 200 gari nimite parking ase. Beshi dignitaries, Ministers aru MLAs bhi program attend korise.
Add Comment