August 12, 2026, 6:43 PM: Minister, Housing aru Mechanical Engineering, Public Works Department, P. BashangMongba Chang para landslide para affect hoa area khan tey visit kurishey, at National Highway 202 tey, IOC Petrol Pump osor tey, 12th August, 2026 tey.
Itu tai laga visit kuria homoi tey, tai para itu District Disaster Management Authority Tuensang ke appreciate kurishey aru thanks janaishey, tai khan thik homoi tey intervene kuria aru itu affect hoa area khan laga parivar khan ke evacuate kuria nimitey, kuntu para toh hoiley manu khan laga jaan bachai dishey, itu district tey. Tai para itu bhi describe kurishey ki, itu toh ekta kismat biya laga ghatna asey koi kena aru tai para tai laga sympathy janaishey, itu affect hoa parivar khan tey. Itu Minister ke District Administration, DDMA Tuensang, line Department khan aru Party Worker khan laga HoD khan para accompany kuria laga thakishey.
Itu fujur tey, itu Minister para itu ‘Har Ghar Tiranga’ Bike rally flag off kuria laga thakishey, Parade Ground, Tuensang para.
