November 25, 2024, 05:07 PM : Nagaland laga Health aru Family Welfare nimitey Minister – Paiwang Konyak para Longleng district tey visit kurishey, 21st November, 2024 tey, aru itu chuli thaka construction laga site tey inspect kurishey, itu notun District Hospital laga, aru itu official khan aru construction tey kaam kuria manu khan logotey.
Site inspection kuria pichetey, ekta khata meeting loishey, PBCA hall, Longleng tey para, alag alag Civil Society khan laga Organization khan aru department official khan logotey. Itu meeting tey, ekta khata overview present kurishey, itu district hospital aru itu department laga, itu district CMO aru Medical Superintendent para.
Phom People’s Council President, Y,B Angam para bhi ekta appeal kurishey, itu minister ke, itu hospital laga construction toh complete kuriboley para tak juldi para, itu lagi thaka fund khan release kuri kena aru tatey blood bank bhi provide kuriboley koishey, itu hospital tey, itu patient khan nimitey, emergency khan laga homoi tey.
Itu Minister para koishey ki, tai laga visit kuria khan, itu alag alag district khan tey, khali itu grievance khan ke saboley karney nahoi aru itu pending kaam khan juldi kuri diboley karney nahoi, hoilebi awareness banaboley karney bhi asey, food safety opor tey, kuntu toh hoiley interlinked asey bhal health karney. Tai para itu jama kuria manu khan ke encourage kurishey, sure kuriboley karney, ki, khali itu license thaka pharmacy khan ke pharmacy tey buhi boley lagey, aru tai para ban hoi kena thaka drug khan bikai asey na nai utu bhi saboley ashishey, koishey tai para.
Tai para assure kurishey, itu construction laga kaam khan toh khotom kuriboley, thik time tey aru ekta retaining wall uthaboley laga bhi kotha kurishey, itu medical staff quarter tey, para tak juldi para.
Itu Minister ke toh hoiley Commissioner Secretary, Anoop Khinchi aru Department Official khan para accompany kurishey.
Add Comment