Minister Paiwang Konyak Para Mon Laga District Hospital Tey Visit Kurishey

November 24, 2024, 05:31 PM : Health & Family Welfare laga Minister – Paiwang Konyak para itu Mon laga District Hospital tey visit kurishey, 23^rd November, 2024 tey. Minister para tai laga gratitude extend kurishey, itu CMO, Doctor khan aru tatey laga staff khan ke, tai khan laga mahnat nimitey aru warm para welcome kuria nimitey. Tai para itu civil society khan, district adminsitration laga presence ke acknowledge kruishey, ADC para chulai jawa laga. Tai para inform kurishey ki, tai laga visit toh hoiley ekta normal official tour nahoi, hoilebi tai toh hoiley ekta purpose nimitey visit kuria laga asey, itu department laga shortcoming khan assess kuriboley karney, itu infrastructure, development work laga issue opor tey, itu hospital tey. Tai para state kurishey ki, tatey toh hoiley bishi shortage khan asey, Medical Doctor khan laga, especially itu specialist Doctor khan laga, itu state tey, aru inform kurishey ki, itu government toh hoiley tai khan laga best kusish kuri asey itu komti thaka toh pura kuriboley karney. Minister para itu bhi state kurishey ki, visit kuria laga tai laga asol purpose toh hoiley itu Food Safety aru Drugs Control toh bhal para saboley karney aha laga asey, itu district tey. Tai para itu civil society khan ke bhi appeal kurishey, itu manu khan laga welfare nimitey cooperate kuriboley karney.