Minister:Opposition khan NEET, JEE uporte khilaaf nakuribole lageh

August 27,2020: Union Minister of State for Health and Family Welfare Ashwini Kumar Choubey para Wednesday te koishe misa mishi khilaaf nakuribole lageh NEET-UG and JEE Main examinations lobole lageh aha moina te kile koile etu toh important ase students khan laga future nimete.
Tai aro koishe sob safety measures khan lobole ase kuntu te examination khan lobole thaka toh aro opposition leaders khan etu matter te chamela naolabole lageh.
ANI para Choubey kuwa te koishe “Mui bhabona kura toh opposition khan kun khan kotha ola toh students khan laga bright future nimete sabole lageh.tai khan okobi chamela noolabole lageh kun manu bi laaph napabo students khan laga interest te khelishe koile toh mui etu nimete political parties khan ke koi ase misa misi khilaaf nakuribole nimete.”
Tai aro koishe ek sal gap examination te students khan laga future biya kuribo kun khan doctors aro engineers khan hobole mun thaka toh.
Minister para koishe “government para ki decision loile bi etu luwa toh students laga future aro interest khan saikena kurishe . National Testing Agency (NTA) khan examination toh national level te lobo aro kun khan exam bhal kuribo future t e bhal doctor aro engineer hobole chance pabo.judi ami khan etu process toh ek sal nimete bondh kurishe koile toh tai khan laga future te dukh dibo.”
NEET-UG and JEE Main exams luwa nimete khilaaf kura te komti hoilebi 100 academicians khan etu te professors Delhi University, JNU, Central University of Kerala aro California University, para Prime Minister Narendra Modi ke chiti likhishe JEE-NEET exams lobole nimete support kurikena.
Tai khan likhishe “academic fraternity laga members khan government laga decision JEE and NEET exams lobole nimete support kuri ase.”
Tai koishe ki” ami khan laga youths aro students khan laga sopna aro future toh compromise kuribole nalageh.Hoilebi kunba khan toh ami khan laga students laga future logote khelibole mun ase tai khan nijor laga political agenda nimet e aro government khan ke khilaaf kuribole nimete.”