Minnesota, 16 June 2025: Saturday din laka deadly hamla duita Minnesota lawmakers manu opor te, ekta survivor pra koishey tai aro taila mota bishi lucky ase zinda bachibo leh taijun ke 17 goli pra mara pichideh. State senator John Hoffman aro taila maiki, Yvette ke goli mari shey taikhan laka ghor te Saturday din morning te hoileh b zinda bachi shey. Melissa Hortman- top democratic legislator state House te – aro tai laka mota, goli mari kina murai dishey.
Yvette Hoffman pra statement te koishey ki tai aro tai laaka mota John toh bishi mon bikai ase Hortmans khan laka death hoi kina. Police khan suspect, Vance Luther Boelter ke bisari ase, kun latex mask chulai shey aro officer nishina acting kuri shey victims ke maribo leh taikhan laka ghor te suburban Minneapolis te, aro theng pra pulai jaishey.
Mrs Hoffman laka statement toh Instagram te shared kuri shey Minnesota Senator Amy Klobuchar pra. John toh bishi surgeries kuri ase echa aro hotai ghanta muribo leh osor hoi thake, Mrs Hoffman pra enikal liki shey.
Add Comment