Mirzapur deh hua truck-track trolley accident deh tosjun muri jai shae

October 4, 2024: Ekta tragic incident deh, fast para jah truck ekta, laborers kan keh bukia tractor trolley keh lakai di shae aro enaka hua tho tosjun nishi nah manu muri jai shae aro alak teenjun bishi bia para jokom kai shae. Etu accident tho Thursday rati deh hui shae, Prayagraj- Varanasi highway deh.Mirzapur Superintendent of Police (SP), Abhinandan para incident tho GT road deh hui shae kui shae, labourers kan Bhadohi deh taikan laka rooftop laying kam keh kotom kuri nah, taikan lah ghor wapas jah time deh.SP para speeding truck para tractor truck keh lakai di shae kui shae pichae para. Tai para mura manu kan tho sob bosti laka manu kan taki shae kui shae, kuto Mirzamurad police station limits pitor deh ase.Mura manu kan tho etu kan ase kui nah identify kuri shae: Bhanu Pratap (25), Vikas Kumar (20), Anil Kumar (35), Suraj Kumar (22), Sanohar (25), Rakesh Kumar (25), Prem Kumar (40), Rahul Kumar (26), Nitin Kumar (22) aro Roshan (27). Ekjun laka identify tho jani bole para nai itia tak.Jokom kah manu kan tho Aakash (18), Jamuni (26) aro Ajay Saroj (50) ase kui nah identify kuri shae. Jokom kah manu kan tho Banaras Hindu University (BHU) hospital deh treatment jai ase, kuteh taikan laka condition tho bhal heh ase kui nah jani shae.