New Delhi, 5 February : Indian streaming laga sob pora agey successful series bilakor ekta, Mirzapur, etiya big screen te nijor journey end koribo ase. Mirzapur the Movie, juntu Season 3 pichete story agey te loi jai, itu saal September 4 din theatre te release hobo, makers bilake Thursday te announce korise.
Thursday din Amazon MGM Studios aru Excel Entertainment film laga poster share korise, juntu te release date September 4 buli reveal kora hoise. Poster te serpentine road uporot SUV cholai thaka dekhai, aru film laga title aru release date prominently likha ase.
Mirzapur the Movie te fan favourite characters Kaleen Bhaiya (Pankaj Tripathi) aru Guddu Bhaiya (Ali Fazal) ghuri ahibo, aru Divyenndu laga Munna Tripathi keo “dead pora” anibo. Ensemble cast te aru ase Ravi Kishan, Abhishek Banerjee, Rasika Duggal, Shweta Tripathi, Shriya Pilgaonkar, Harshita Gaur, Sushant Singh, Mohit Malik, Sheeba Chadha, Rajesh Tailang, Kulbhushan Kharbanda, Sonal Chauhan, Pramod Pathak aru Anangsha Biswas. Season 1 te Babloo Pandit role kora Vikrant Massey ei film te ghuri nahaibo, aru report anusar tai laga jagah Jitendra Kumar loi loise.
Film laga shooting recently wrap up hoise aru etiya post-production stage te ase. Mirzapur ekta gang rivalry, badla aru power laga kahani, juntu UP laga Mirzapur shehor te set kora hoise, aru etu India laga sob pora popular OTT franchises bilakor ekta.
Itu film Amazon MGM Studios produce korise, Excel Entertainment present korise, director ase Gurmmeet Singh aru writer ase Puneet Krishna.
Add Comment