Imphal, September 26, 2024: Manipu laka finalist Femina Miss India Chanchui Khayi para state represent kuribole ase. Etu final toh peshi manu pora phal lake. Tai para koishe ki tai etu platform chulai kina attention anibo, state khan ki problem face kurea ase. Tai etu chance loikina etea Manipur te kiki duk hoi ase national stage te kubo koishe. October 16, Mumbai te etu Grand finale Femina Miss India thakhibole ase. Wednesday, homecoming event Noble Hall,Hotel Classic time te tai koishe ki finale te participate kurea toh bishi dangor opportunity pabo. Etu pora jalaga Manipur laga problems khan kontu 16 months poraa nahoni kena takeshe etu khan honibole tebo koishe. Tai koishe ki tai khali Manipur represent nakuribo koishe hoilebi sob state laga manu khan ke kuribo koishe.Tai kontokol pora panji kena taka jaga laga te manu khan took pa laka kesa khan hunai debo koishe. All Naga Students Association, Manipur (ANSAM) laka members khan para Khayi ke Manipur manu laga message kubi koishe. kile mane etu khan 1 saal laga upor bishi duk pai kina ahea ase. Public khan taike hope ase ki tai indigeneous Manipur laga manu ke tani bole national platform te. Tai Finale Femina Miss India napunchea agea te, Tai already bishi bhal nam kamaishe tate Sushma Swaraj Award for Distinguished Women Achievers, Crowned bi kurishe Miss Spring 2019 State Level Shirui Lily Festival te, Arubi jitishe K-pop India Contest 2020 solo singing category te aru top three jitea laga majo te position secure kurishe 19th Sunsilk Mega Miss North East 2023 te.
Miss India Finalist Manipur Para State Laga Duksuk Opor te Koishe
Add Comment