Miss South Africa Contestant, Citizenship Row piche dey, final para ulaishey

Johannesburg, 8 August : Ekta Miss South Africa contestant kun laga Nigerian heritage para ekta national controversy aro ekta government investigation spark kurishey, Thursday dey itu beauty pageant para withdraw kurishey. Chidimma Adetshina para announce kurishey ki tai Saturday laga final dey part naluwo, Home Affairs ministry para tai laga ama ke fraud aro identity theft accuse kurina ek din piche dey. Adetshina, ekta law student, July dey taike ekta finalist nishna announce kuria piche dey para luina social media dey vicious, xenophobic attacks laga ekta subject asey  — cabinet ministers milaina — bishi manu raokw tai laga Nigerian descent karney tai laga credentials ke sawal kuri asey. Adetshina para jaa par local media ke kuishey ki tai Soweto dey ekta Nigerian baab aro Mozambican descent laga South African ama ke jonum huishey. Itu ruckus karney pageant laga organisers para ekta request kuria piche dey tai laga citizenship dey ekta investigation kurishey. Wednesday dey, home affairs minister Leon Schreiber para kuishey ki itu investigation para “prima facie indications” uncover kurishey ki Adetshina laga ama para fraud committ kurishey aro ekta South African mahila laga identity chor kurishey. Itu ministry para kuishey ki taikhan para Adetshina laga citizenship dey itu laga implications dey legal advice obtain kuri asey, kun itu alleged fraud homoi ekta infant thakishey.