Washington, February 4: Tehran pora olop din agge te korikene thaka ballistic missile tests aru Yemen laga Houthi rebels ke support kora karone United States pora Friday te Iran laga khilaf te natun sanctions rakhi dikene ase.
“Iran pora terrorism ke support koribole continue korikene thaka aru tai khan laga ballistic missile program laga development karone kori thaka kaam pora toh region aru ami khan laga worldwide partners aru United States karone bhal kotha nahoi.” Eneka Treasury’s Office of Foreign Assets Control laga acting director John Smith pora koise.
Sunday te Iran pora medium range missile laga test-fire korikene thakishe aru eneka korikene thaka karone White House pora koise ki eitu toh UN Security Council resolution ke violate kora nisena ase.
Tuesday te President Donald Trump laga National Security Advisor Michael Flynn pora koise, “eitu launch korikene thaka karone ami pora Iran ke officially notice te rakhikene ase.”
Eitu natun sanctions pora Iran ke global trade aru finance te pora blacklist koribole bisari ase aru eneka koribole American nahoile US-based entities logot Iran ke business koribole ban koribo koise.
Iran laga missile program karone goods supply kori thaka teenta trading networks aru individuals laga naam bi janai dikene thakishe.
Add Comment