November 09,2020: Assam Assembly laga opposition leader aro Assam Congress leader Debabrata Saikia para koikena janaishe ki state congress laga delegation ke Mizo official para assam Mizoram border Sunday te jaa samay te dhamki dishe.
Assam Pradesh Congress Committee (APCC), laga ekta delegation khan Debabrata Saikia logote mi likena Sunday te disputed Assam-Mizoram border te jaishe.
Etu delegation te All India Mahila Congress president Sushmita Dev bi ahise.video share kura samay te kuntu te ekta Mizo official para APCC delegation ke kuwa pichede etu jaka toh charikena jabole koikena tweet te janaishe ki”aji disturbed #AssamMizoram border area te jaishe etu APCC delegation logote mui logote milikena.”
Saikia para koikena janaishe”ami khan media logote kotha kura samay te ekta Mizo official ami khan logote ahikena ami khan ke dhamki dikena jaka toh charikena jabole janaishe.”
Saikia para koikena janaishe etu toh thik nai ki ekta Indian soil official state para kosish kurishe delegation bondh kuribole nimetekuntu para Legislative assembly represent kurishe.
Assam Congress leader Saikia koikena janaishe Assam police para Mizoram police para overpower kurishe etu disputed mati te.
Saikia koikena janaishe ki assam toh state mat haribole ase Mizoram logote etu bi assam government laga negligence nimete Sarbananda Sonowal logote milikena etu border chamela te.
Saikia para tweet te koikena janaishe ki”government khan thaka samay te assam laga mati nimete race thakikena ami khan laga haath para olaijabole nishena ase.
Etia ekta media laga section para koikena janaishe ki APCC delegation uporte najana manu khan para inter state border jaa samay te pathor phekaishe.
Add Comment