Mizoram 10 district te ASF, 9,000 pigs morikena ase

July 5, 2021. African Swine Fever (ASF) toh Mizorm laga 10 districts te aro swine fever olaikena 3 moina pithor te 9,000 pigs bemar para morishe, koikena state’s animal husbandry aro veterinary science department para khobor toh junaishe. Data hesab te, Sunday din department para janaishe ke, komti hoilebi 152 bosti te nahoile 10 districts laga local jaga te itya ASF para bemar hoi ase, etu bemari para sob melaikena March moina para loikena 9,172 pigs morikena ase, etu mora nemite poisa Rs. 36.68 crore neshina nokson hoishe. Etu oper te 699 pigs toh ajanak ASF bemar jaga te mora khobor ase, koikena data para janaishe, etu khobor toh animal husbandry & veterinary science department para koishe. Hoilebi, pigs mora toh ASF para ase koikena suspect te ase, hoilebi khobor toh department para janai thiboli ase koishe. Official data para koishe ke, sob melaikena 1,078 pigs toh bemar phelikena najabo nemite jama korikena ase. Nejana bemar para First pig mora khobor toh Lungsen bosti south Mizoram’s Lunglei district, Bangladesh border osor March 21 darik te khobor paishe. Porcine Reproductive & Respiratory Syndrome (PRRS) aro Classical Swine Flu (CSF) toh negative testing kora beche, pig samples toh National Institute of High Security Animal Disease (NIHSAD) Bhopal te putaishe aro April 16 darik pig toh ASF para mora ase koikena khobor paishe. Hoilebi, Lunglei district te ASF phela toh komti hoishe aro Aizawl district te soruh hoikena 3,454 pig neshina itya dak te morikena ase, koikena khobor toh department joint director (livestock health) Dr. Lalhmingthanga para koishe. Itya dak ASF para Lunglei district te 3,092 pigs morikena ase, Mamit district te 684, Serchhip district te 939, Lawngtlai district te 320, Khawzawl district te 334, Hnahthial district te 83, Champhai district te 257, Saitual district te 8 aro Siaha district te 1 morikena ase koishe. Kolasib district toh Assam logot border shares kora te itya kali State ASF free district ase koishe.