Aizawl, March 25, 2026: Mizoram para report kure she ki, Tuberculosis karne 145 manu murishe ja sal, aro 2,275 nutun TB case record kure she, health officials para enia koi she. Official data laga hesab te, ja sal te nutun 2,275 case olai she TB laga, aro etu te 1,364 toh mota thake she, 911 toh maiki thake she.
140 manu kun TB ase, tai khan TB (MDR-TB) laga effect nakhai, aro 267 alak toh HIV- positive TB as koi she. District laga hesab te sai she koile toh Aizawl te sob se beshe case ase, 1,569 case ase, aro etu piche te Lunglei district te, yate 155 case ase, aro Kolasib district te 138 case ase. 1,900 case toh government hospital aro clinic te para jane she, aro alak 375 case toh private hospital aro clinic te para jane she.
2020 laga sal te 31 manu TB karne mure she, aro 2021 te 46 manu mure she TB karne, 2022 laga sal te 87 manu mure she. 2023 laga sal te 119 manu mure she TB karne. Aro 2024 laga sal te 136 manu mure she. Aro Ja sal 2025 te, 145 manu mure she TB karne.
Add Comment