Aizawl, November 2, 2026: State government’s Annual Report on Registration of Births and Deaths, 2025 khan laga hisab te. Mizoram te 31,294 nishina manu Jonom hoishe aru etu te 10,055 khan toh murishe 2025 saal te. Yete rural jagate duita tebi bishi ase.
Yete nutun jonom toh 17,426 nishina khan toh rural jagate record kurishe. Aru Urban te toh 13,868 nishina jonom hoishe. Yete 15,751 toh muta ase. Aru Bachea 15,543 khan toh maiki ase. Yete sob milai kina sex ratiotoh 987 maiki per 1,000 muta ase.
Rural jagate sex ratio toh upor ase. Yete 1,012 ase, Urban te toh 955 ase. State laga sob birth rate toh 20.78 per 1,000 population te khara kurea ase. Rural jagate 21.74 rate thakhea toh record kurishe. Yete Urban laga Birth rate toh 10.69 thakhishe. Aru 2025 saal te sob milai kina Mizoram te. 10,055 manu murishe koishe. Yete 6,758 khan toh rural jaga para ase. Aru urban para toh 3,297 ase. Yete muta khan he bishi murishe. Yete 6,520 ase. Aru maiki khan toh 3,535 murishe.
