Aizawl, February 23, 2026: Mizoram laga Serchhip District te. 3da bacha chokra toh panni te swimming kuri kina murishe koishe. Etu toh February 21 din te thakhishe. Yete murea manu khan toh sob bi Thenzawl Town para ase koishe. Taikhan toh H. Lalhruaitluanga (9), Lalmuansanga (9) aru C Lalbiakhluna (7) ase koishe.
Local manu khan laga khobor hisab te. Etu bacha khan toh Saturday phuzur te. Eki logo khili thakhishe koishe. Alarm bell toh marishe. Hoilebi taikhan toh wapas ghor te ahea nai koishe. Yete family members khan bisarea suru hoishe koishe. Aru sathi ekjun para janai dishe ki, tai khan toh Panni te khilibole plan kuri thakhishe koishe. Etu toh Scoiety Dil Pond te.
Volunteers khan bacha khan laga chapel toh dikhishe koishe. Fishery laga osor te. Aru panni te bisarea suru hoishe. Aru divers khan bodies khan toh sham phane paishe koishe. Chief Minister Lalduhoma, Local MLA khan bi online para khobor janai dishe. Taikhan bi enika khobor huni kina mun duk hoishe koishe. Aru Police khan bi investigation suru hoishe. Yete parents khan ke nijor laga bacha khan ke bhal para sabole janai dishe.
Add Comment