Mizoram 880 notun Covid19 cases, 1 jun mora khobor

AIZAWL: Mizoram te aro 880 notun Covid19 cases thurishe, etu melaikena State te 59,999 cases hoikena ase aro etu samai ek jun mora melaikena 218 manuh mora khobor ase, koikena health department official para junaishe. Notun cases toh alag-alag districts para thura ase, Aizawl district te sobse besi 461 cases ase, etu beche Lunglei district te 118 cases aro Kolasib district te 76 cases ase koikena tai para janaishe. Ek din laga positive rate toh 9.15% thakishe aro etu cases toh 9,604 samples tested kora te thurishe. Komti hoilebi 176 bacha aro Border Security Force (BSF) jawan ek jun notun cases thura te samil ase koishe. Tai para janaishe ke, 6 jun manuh logot travel history ase aro baki 874 manuh toh locally thura ase. 24 gonda pithor te Covid19 cases laga total percentage toh RT-PCR test para 14.34, TreNat test (671), Rapid Antigen Test (8.63) aro Fluorescent Immunoassay (FIA) test (15.38) khobor ase. Sob melaikena 880 bemar manuh pithor te 472 manuh logot  Covid-19 symptoms paishe. Mizoram te itya 9,066 Covid-19 active cases ase aro etu samai 50,715 manuh toh bemar bhal hoishe, etu oper te Wednesday din 5 pm dak te 545 bemar bhal howa khobor paishe. Covid-19 bemari laga recovery rate toh 84.52% ase aro mora rate toh 0.36%. State te itya dak 8.73 samples tests loikena ase. State immunisation officer laga khobor hesab te, Tuesday din dak te 6.55 lakh manuh vaccine loikena ase, etu pithor te 2.37 lakh manuh toh Covid-19 vaccine full doses loishe. Covid-19 laga state nodal officer aro official spokesperson Dr. Pachuau Lalmalsawma para koishe ke, jai thaka mass testing drive samai komti hoilebi 2,917 Covid-19 cases thurikena ase, etu drive toh Aizawl Municipal Corporation (AMC) aro osor bosti te July moina para soruh korishe. Tai para aro janaishe ke, testing drive samai Aizawl te 62 bosti aro osor 13 jaga neshina te sob melaikena 97,372 samples tested loikena ase, koikiena khobor toh janaishe.