December 27, 2024: December 18 din te, Aizawl laga manu nathakha jagate, ekta David Lalmuanpuia 31 saal ke muraishe koishe. Yete etu laga jamala te 7 manu nishina ke arrest kurishe koishe Wednesday din te.
David toh hajira kurea manu ase, aru tai laga sathi bi Lalduhsaka (20) ke, Village Defense Party (VDP) khan laga members khan para marishe koishe, yete Ekta Pastor para local khan ke koishe ki, tai dujun tai laga ghor te gushi kina Rs 26,000 chor kurishe koishe.
Yete Tai dujun laga ama para Pastor ke maaf mangishe, aru VDP khan ke marea toh rukhai dibi koishe. Hoilebi pastor para koishe ki, tai toh etea eku kuribole naparibo koishe, kile mane etea tai toh VDP khan laga haat te rakhea dea nimete. Ama para janai dishe ki, Taikhan Panni laga pipe para mari thakhishe koishe.
Police khan para Case toh registered kuri dishe koishe, Section 105/3(5) laga Bharatiya Nyaya Sanhita (BNS) laga bitor te dali dishe koishe.
Add Comment