Aizawl, September 3, 2025: Yete National Cancer Registry Programme khan laga nutun data hisab te. Aizawl, East Khasi Hills, Papumpare aru Kamrup Urban khan para report kurishe ki. Etea India te 2015 para 2019 laga saal tak. Sobse bishi cancer thakhi kina ase koishe.
Study kuri kina khobor pa laga hisab te. 43 Cancer Population registry kurea te. 7.08 lakh nishina cancer bimar laga cases ase koishe. Aru 2.06 Lakh nishina toh murishe koishe pasta saal majote. Aru yete maiki khan bi cancer bishi thakhea toh janibole parishe. Yete taikhan 51.1 per cent nihsina ase koishe. Hoilebi murea khan te toh Muta khan he bishi ase koishe. Yete 55 per cent nishina te.
Mizoram khan toh cancer laga risk bishi te ase koishe. 21.1 per cent khan toh muta khan ase. Aru 18.9 per cent toh maiki khan ase koishe. Etu toh National laga Average 11 per cent nishina ase koishe. Aru Country te sobse bishi cancer cases khan toh Aizawl para ase koishe. Yete muk, Lung aru Porstate cancers khan toh muta khan bishi lagea. Aru maiki khan ke toh dut, Cervical aru Ovarian cancer thakhea koishe.
Add Comment