Mizoram, January 31, 2025: Yete January 29 din te, Assam Rifles khan aru Mizoram Police khan Mili kina operation kurishe koishe Champhai laga General Ares Khankawn te, yete taikhan phutea laga hatiar khan paishe koishe.
Assam rifles khan para koishe ki, Yete taikhan etu hatiar khan loja laga toh khobor paishe koishe, yete taikhan Mobile Vehicle Check Post laga tarika kurishe koishe Security khan para, Aizawl laga Zokhawthar rasta (NH-6) Te.
Yete taikhan etu gari te 4,450 electric detonators paishe koishe, aru yete ekjun kebi durishe koishe. Yete durea laga manu aru saman khan toh sob Mizoram Police khan laga haat te didishe koishe, yete ahibole laga homoi karne tarika khan kuribole dibo nimete.
Aru yete ageate, Indian army, Assam Rifles , Manipur Police aru alak Security Forces khan mili kina operation kurishe koishe, yete taikhan 35 banduk nishina paishe koishe, aru guli khan bi paishe koishe alak alak jaga para. Yete Manipur laga Thoubal, Tengnoupal, Bishnupur, Churahandpur, Imphal West, Noney, Jiribam aru Kakching te.
Add Comment