Aizawl, September 25, 2025: September 23 din te. Mizoram laga Zokhawthar, Vawkte Kai laga World Bank Rasta osor te. Assam Rifles khan para Khobor pai kina operation kurishe koishe. Yete taikhan 3da manu ke duribole parishe koishe.
Yete bisarea homoi te. Taikhan para 1.377 Kg laga Heroin Drugs paishe koishe. Aru etu toh Rs 11.40 Crore laga daam ase koishe. Etu arrest kurea manu khan toh Zarzosanga, Joseph Lalmuansanga aru Malsawmkimi ase koishe. Yete durea laga saman aru 3da manu khan kebi Customs and Narcotics Department, Champhai khan laga haat te didishe koishe. Yete legal action khan lobole nimete.
Yete etu moina laga ageate bi. September 12 din te. Assam Rifles khan para Zokhawthar laga nodi te bag bukhi kina ja toh rukhaishe koishe. Yete taikhan bag para 2.372 Kg laga Methamphetamine Tablets paishe koishe. Etu toh Rs 7.11 Crore laga daam ase koishe.
Add Comment