Aizawl, January 3, 2026: Friday din te Officials khan para koishe ki. Assam Rifles khan para 11.062 kg laga Methamphetamine tablets durishe koishe. Etu saman khan toh International market te Rs 33.186 Crore laga ase koishe. Etu toh Mizoram laga Saitual District para durishe koishe. Indo-Myanmar Border osor te.
Etu operation toh Assam Rifles aru Mizoram Police khan mili kina operation kurishe koishe. Kaifang jaga khan te. Officials khan para koishe ki. Taikhan utu jagate olop shak laga hila hili thakhi koishe. Yete para taikhan tarika kuri kina saman khan paishe koishe.
Yete methamphetamine Tablets aru Gari bi uthai loishe koishe. Etu saman aru Gari khan toh Saitual laga Mizoram Police khan ke didishe koishe. Yete investigation khan kuribole karne. Yete taikhan para ekta manu ke arrest kurishe. Tai toh Hasan Ali ase koishe. Tai toh Assam laga Badarpur District te thakhea manu ase koishe.
Aru alak operation toh December te kurishe. Yete Assam Rifles khan para Cachar Police khan ke mili kina operation kurishe. Yete taikhan 3,060 laga Cigarette packets durishe koishe. Etu toh Rs 1.83 Crore laga ase koishe.
Add Comment