Mizoram BJP: Lockdown toh solution nahoi

June 9, 2021. Tuesday din Mizoram laga kali BJP legislator BD Chakma para koishe ke, Covid-19 rokaboli lockdown ekla para kamyaab nahobo. Tai koishe, government para bemari samai dosura alak rasta pesariboli lage, etu bemar toh besi joldi kotom hoboli nahoi aro Malarai neshina thakibo. Chakma para koishe ke, duhkai manuh, hotai hajara kora manuh aro businessmen khan state te Covid-19 bemari rokabo nemite hotai samai lockdown thaka nemite besi duhai hoishe. Government employees khan nemite lockdown toh eku nai, keli koile hotai moina poisa pai ase. Hoilebi sobse duhk toh kurep manuh ase, tai khan family saboli lage aro income toh zero te ase, tai para janaishe. Mizo National Front (MNF) government aro chief minister Zoramthanga para loikena laga kotha kora te, BJP legislator para janaishe ke, state government toh itya bemari saboli nemite besi matha korai ase. “government laga bapana toh Covid-19 bemar rokabo nemite kali lockdown toh rasta ase aro health infrastructure bhal nathaka pithor te excuse bonai ase”. Chakma hesab te, government para state flagship programme- Socio Economic Development Policy (SEDP) fiscal 2021-2022 samai Rs 400 crore thikena ase, “tai khan etu poisa para ke kori ase? Covid-19 bemar logot larai koribo nemite tai khan keli etu poisa toh olop hoilebi korcha nakori? Tai sawal korishe. Tai koishe ke, government para Covid-19 bemar logot larai kora samai etu poisa toh parai dak jolaboli lage. Chakma aro koishe, state te lockdown othai-thaki hoilebi etu para Covid-19 positive case toh komti nahoi. Lockdown kori thaka logot, Chakma para koishe, government toh konuba alag rasta te bemari logot larai koribo nemite aro dukhai ke saboli kam koriboli lage. Tai aro government logot health infrastructure neshina emergency beds, ventilators aro medicines oper te kam koriboli koishe. Jodi aro lockdown othaboli ase koile, Cash relief toh salary manuh jarikena sob ghor te thiboli lage koishe.