Mizoram: Champhai te 3da manu ke arrest kurishe. Rs 20 lakh laga Heroin durishe

Champhai, April 9, 2026: Etu week laga duita alak alak cases te. Champhai Police khan para 100 grams laga Heroin durishe koishe. Etu toh Rs 20 Lakh laga ase koishe. First Operation toh April 7 din te kurishe koishe. Etu toh 4:30 PM homoi te. Police khan Chhungte Bosti laga Chalbawiha Junction , Khankawn Check Gate te duty kuri thakhishe koishe. Yete taikhan para Lalbuatsaiha (21) saal manu ke durishe. Aru tai toh osor jungle te lokai dikina janai dishe. Aru bisari kina 48 grams laga Heroin paishe.
Yete Charta sabun daba paishe. Etu toh Kala maika bitor te thakhishe koishe. Yete tai laga haat parabi Mobile phone paishe. Lalbuatsaiha ke arrest kurishe koishe. Aru case toh Section 21 (b) of ND&PS Act (c/No. 51/26 dated 07.04.2026) bitor te dali dishe koishe.
Aru alak case toh April 6 din te thakhishe koishe. Yete Police khan phuzur 7:00 am homoi te. Champhai para Aizawl te ja laga Suma gari ke. Chalbawia Junction te rukhaishe koishe. Yete Lalpekthuama (30) toh Seling para ase koishe. Aru tai laga haat para 52 grams laga Heroin paishe koishe. Yete 3da Sabun laga daba ar Duita daba paishe koise. Aru yete case toh Section 21 (b) of ND&PS Act (C/No. 52/26 dates 06.04.2026) laga bitor te dali dishe koishe.