Mizoram Chief Minister pora Bana Kaih Scheme shuru koreshe

Aizawl, Sep 19:  Mizoram Chief Minister Lalduhoma pora State te peshi phal Scheme ekta kolishe. Etu scheme toh hoile khete te kam kora manu aro kon kon business kore kena kamai ken a kai tai khan nemete ase. Etu scheme laka nam toh Mizo laka kota pora Bana Kaih kon toh English pora Handholding Scheme  koi. Etu toh Chief Minister Lalduhoma pora Vanapa laka hall te shuru koreshe. Etu scheme laka kam to manu khan business kora aro kete kam kora manu khan kenaka korekena phal pora kamabo parbo etu motot korebole nemete ase. Etu Scheme pora peshi manu khan ke eku phe kerbe (collateral) narake kena loan lobole parebo koishe. Kon kon etu scheme betor te loan lobo tai khan nemete 50 lakhs tak lobo le parebo koishe. Mizoram Government toh grantor korebo koishe. Etu matlab etu loan lowa manu pora loan toh derabole  naparele Mizroam laka Government pora derabo koi ase. Aro etu loan loi kena tek pora derebole parele. Tai khan laka loan Interest bhe nolobo koi ase. Aro etu scheme laka moto pora kon kahn  poisa nai tai khan ke phe 1lakh tak loan pabo koishe.