Mizoram, 23 September : Mizoram Chief Minister Lalduhoma September 23 te National Highways and Infrastructure Development Corporation Limited (NHIDCL) laga officials logot ekta review meeting chair korise Chief Minister laga Conference Hall te.
Meeting te PWD Minister Vanlalhlana, PWD aru Power & Electricity Department laga senior officials, aru NHIDCL officials present thakise.
Kunba national highways laga kharab condition pora chinta prokash kori, Lalduhoma koi potholes aru road surface damage bohut stretch te visible ase. Tai NHIDCL ke request korise ki Contractor Liability Period te timely aru proper maintenance ensure koribo.
Chief Minister emphasize korise ki notun bypass construct korise, old town roads formally State PWD ke handover koribo maintenance karone. Aizawl–Vairengte highway ke “Mizoram laga lifeline” kuina highlight kori, tai NHIDCL ke top priority dibole request korise.
State te heavy rainfall aru long monsoon lage karone road durability issue uthe, Lalduhoma propose korise rigid pavement technology use koribo. NHIDCL inform korise ki Union Ministry of Road Transport and Highways (MoRTH) officials ke proposal examine koribo direction dise. Chief Minister speedy implementation request korise.
Tai Thingfala Mamte ‘T’ Baptist Church collapse pora concern express korise, juntu allegedly NHIDCL laga road-cutting works logot linked. Officials inform korise ki Deputy Commissioner Office assessment complete korise aru Project Management Unit ke report submit korise, juntu NHIDCL headquarters forward hobo.
NHIDCL Regional Executive Director Pu Adelbert Susngi Chief Minister ke assure korise ki sob raised issues promptly address kora hobo. NHIDCL state leadership ke various project sites te facing challenges logot brief korise.
Add Comment