Mizoram CM para COVID-19 curve khomti ase janaishe

AIZAWL: Wednesday din te Mizoram Chief Minister Zoramthanga para koishe ke, government aro manuh melikena kam kora nemite itya state te COVID-19 curve toh khomti hoi ase.  Meeting kora samai, Chief Ministers aro Lt. Governors of states & Union Territories te Prime Minister Narendra Modi para presided kora samai desh laga COVID-19 halat nemite kotha koishe. Zoramthanga para janaishe ke, state’s COVID-19 cases toh khomti hoi-ase, keli koile state para “Test – Track – Treat – Vaccination aro Covid Appropriate Behaviour (CAB) toh besi strict te mani thaka nemite, koikena state information & public relations department para statement issued korishe. Chief Minister Zoramthanga para aro janaishe ke, state te COVID-19 cases khomti howa toh hoile government policies nemite aro etu oper te churches aro civil societies para motob kora nemite ase koishe. Itya dak 759 active cases pithor te, 20 manuh neshina he hospitalized hoikena ase koishe. State te bemar para mora rate toh itya 0.3 per cent te ase, koikena Zoramthanga para meeting te janaishe. Chief Minister para meeting samai janaishe ke, PM CARES pithor te 13 oxygen plants powa toh itya district hospitals te aro cancer hospital te installed kora kamyaab hoishe. Itya dak state te oxygen supply nemite eku dukh nai koishe. Zoramthanga para aro junaishe ke, COVID-19 bemar para mora manuh laga ghor manuh logot 596 (95%) ex-gratia thikena ase aro April 24 darik dak te 624 applications received hoikena ase aro dosura toh itya under process te ase koishe. Chief minister para Prime Minister logot 18-59-umer logot precautionary doses nemite free vaccination thiboli janaishe.