Mizoram CM: Rs 196.42 crore laga bea dure she, September 2025 para Janaury 13 tuk

Aizawl, January 24, 2026: Mizoram laga Chief Minister Lalduhoma para January 24 te koi she ki, bea dawai toh state aro manu laga sob se dangor dush man ase, government aro society khan mele kena etu harai de bole lagea koi she. Chief Minister para etu khota khan toh high level meeting te koi she, etu meeting te non-government organisations khan laga officials aro representatives khan logo te khota kure she, anti-drug operation laga review kure bole karne. Meeting te Home Minister K. Sapdanga, Excise and Narcotics Minister Lalthanliana Hmar, Home and Excise departments laga senior officials aro Central Young Mizo Association (CYMA) laga leaders khan ahe she. Lalduhoma para koi she ki, state police, excise department aro CYMA khan mele kena anti- drug launch kure she, ‘Operation Jericho’ laga banner te, September 22 ja sal te. Tai koi she ki, etu operation kunto, ja sal laga September para January 13 kurea toh, tai khan bea dawai Rs 196.42 crore laga dure she. CM para koi she ki bea dawai toh beshe dangor threat ase, youth khale laga opor nahoi kena sob Mizo society karne be.