Guwahati, October 24 : Mizoram laga Chief Minister aro Centre te BJP logotey milikina thaka Zoramthanga para koisey ki judi Prime Minister Narendra Modi para election hobole thaka rajya (Mizoram) ke visit kurisey koiley tai para tailogotey stage share nukuribo(maney ekey logotey ekta stage te najabo).
Etu faisla tu ajikali Manipur te larayi jhagra chuli thaka ke mon te rakhikina loisey. Kuntu te Kuki-Zo, ekta Christian community kun laga Mizo khan logotey etihasik rishta asey etu khan laga against te jaikina Hindu Meitei khan ke morom dikhaisey.
Zoramthanga para BBC News ke koisey ki tai para etu biswas kuri asey ki BJP party para Manipur laga gondogol te enaka role nibha picheyte judi tai para enaka homoitey BJP ke support kurikina dikhai asey koiley Mizoram laga manu khan tu khusi napabo. Tai para koisey ki tai tu Narendra Modi kea lag para lok kuribole khusi pabo hoilebi tailogotey ekey stage share nukuribo.
Zoramthanga laga party Mizo National Font (MNF) tu Centre te NDA laga hisa asey hoilebi Mizoram laga BJP logotey taikhan laga eku rishta nai. Mizoram te BJP tu MNF laga against te ekta Opposition party asey aro taikhan para October 30 te rally rakhibole asey.
Manipur te huwa gondogol para Mizoram te hobole thaka election te asar kuribole nisna asey. KIlemaney Mizoram laga 87% population tu Christian asey.
Zoramthanga para etu bi koisey ki tailaga sarkar para Myanmar aro Bangladesh para polaikina ahikina Mizoram te buhithaka manu aro Manipur para nijor laga ghor para dur hoikina tatey buhithaka manu khan ke modod dibole laga faisla tu election te MNF nimitey faidaman hobo. Tai para koisey ki Mizoram te dusra desh para ahikina refugee nisna buhi thaka aro Manipur para ahikina tatey buhi thaka manu khan sob bi Mizo asey aro
Mizoram te hobole thaka election tu MNF, taikhan laga against te ja opposition Zoram People’s Movement (ZPM) aro Congress majotey ekta 3-kona laga larayi hobole asey. BJP tu ekta dangor competition nisna nidikhey.
Add Comment