Mizoram Congress khotom kuredeshe MNF alliance, ZPM logo mele jaishe

Aizawl, December 14, 2025: Friday te Mizoram Congress para pre-poll alliance Mizo national Front (MNF) khan logo thakei toh khotom kure deshe. Aro tai khan Zoram People’s Movement (ZPM) khan logo te mele kena Lai Autonomous District Council banai loishe. J Ropianga Chinzah, Lawngtlai District Congress Committee laga president, para koishe ki MNF khan para pre-poll agreement thakei toh violate kureshe. Tai khan alak elected council members khan ke influence kurebole kushesh kure thakeshe koishe. Chinzah para ekta statement te koishe ki MNF khan laga leader ZPM T Zakunga ke entice kure thakeshe. Tai ke chief executive member laga post deo koine. December 3 te Lai Autonomous District Council elections te, MNF sobse seat jeteshe, tai khan eight seat paishe. Aro Indian National Congress seven seats jeteshe. Aro Bharatiya Janata Party (BJP) khan duata seats jeteshe. MNF vice president aro Mizoram Legislative Assembly laga opposition leader, Lalchhandama ralte para Congress khan laga khota toh mesa ase koishe. Tai khan pre-poll agreement toh honor kurekena ahei ase koishe.